Մաթեմատիկայի ընտրությամբ խումբ (6-8) դաս.
«Մխիթար Սեբաստացի» կրթահամալիր
2020-2021 ուսումնական տարի
Ծրագիրը նախատեսված է այն սովորողի համար ով հետաքրքրված է մաթեմատիկայով, ակտիվ մասնակցություն ունի կամ ցանկանում է այսուհետ ակտիվ մասնակցել ամենամսյա մաթեմատիկական ֆլեշմոբին, «Մաթեմատիկա» ամսագրին։
Ծրագրի նպատակը՝
- Թվաբանական գիտելիքների և մեթոդների, դրանք գործնական իրադրություններում կիրառելու կարողությունների ձևավորումն ու զարգացումը
- թվաբանական գործողությունները բանավոր կատարելու ձևավորումը
- դիտարկելու, կռահելու,փորձեր կատարելու,հետազոտելու, եզրակացություններ անելու կարողությունների ձևավորումը
- որոշումներ կայացնելու, սեփական և ուրիշների դատողություններին քննադատաբար վերաբերվելու, կարողությունների ձևավորումը
- ուշադրության, հիշողության, աշխատասիրության, հանդուրժողականության, նպատակասլացության, համբերության զարգացումը
- սեփական ուժերի նկատմամբ վստահության սերմանումը, ինքնուրույն աշխատելու, համաձայնության գալու ձևավորումը:
Ուսումնական միջավայր.
- բացօթյա ուսումնական տարածքներ դպրոցի ներքին բակում, անբարենպաստ եղանակին՝ սահմանված կարգով փակ տարածքներում, սենյակներում,իսկ ընտանեկան դպրոց ընտրած սովորողն ինքն է ընտրում իր ուսումնական միջավայրը:
Ուսումնական միջավայրում անհրաժեշտ պարագաներ՝ անհատական ուսումնական գործիք՝ պլանշետ, հեռախոս, նեթբուք կամ նոթբուք, համացանցի առկայություն:
Դասընթացի կազմակերպումը՝
Պարապմունքները կազմակերպվում են ըստ ուսումնական պլանով նախատեսված ժամաքանակի, շաբաթական չորս դասաժամ: Խմբում առավելագույնը կարող է լինել՝ 12-15 սովորող ։ Դասին՝ բանավոր հաշվարկ, նախագծային աշխատանք, ինքնուրույն աշխատանք,այնուհետև խնդիրների լուծում, քննարկում, լուծման տարբեր ճանապարհների բացահայտում: Ընտանեկան դպրոցի ղեկավարն ինքն է կազմակերպում սովորողի աշխատանքը, վերը նշված կետերը: Աշխատանքը հրապարակվում է սովորողի բլոգում, նախապես բացված բաժնում:
Դասընթացի բովանդակություն
- Խնդիրներ նախորդ տարիների մաթեմատիկական օլիմպիադայից
- Գրաֆներ
- Խնդիրներ մաթեմատիկական ֆլեշմոբից
- Դիրիխլեի սկզբունքը
- Մաթեմատիկական ռեբուսներ
- Գաուսի մեթոդը
- Համաչափություն
- Հավանականությունների տեսություն
- Շարքը համալրվում է …
Ուսումնական տարվա վերջում սովորողը գնահատվում է ստուգված կամ չստուգված, ելնելով յուրաքանչյուր իրականացված նախագծի արդյունքից, բլոգի հրապարակումներից և այլն…
Նախագիծ 1
Ինչ է ֆլեշմոբն ինձ համար
Նախագծի ժամանակ կքննարկենք ,թե ինչ տվեց ֆլեշմոբը սովորողին:Յուրաքանչյուր սովորող կկազմի իր մասնակցության և իր հավաքած միավորների դիագրաման: Կպարզենք, թե ինչպես են սովոողները ընտրում խնդիր և արդյո՞ք կան սովորողներ,ովքեր իրենք են կազմում խնդիր և առաջարկում :
Նախագծի նպատակը
Պարզել որքանո՞վ է սովորողը հետաքրքված մաթեմատիկայով
Առաջացնել սերը դեպի ՝ ֆլեշմոբ
Պարզել սովորողների մաթեմատիկական հնարավորությունները
կարողանալ լուծել ոչ ստանդարտ խնդիրներ
Նախագծի արդյունք
սովորողները կվերհիշեն դիագրամ և տոկոս թեման
Սովորողները կընտրեն խնդիրներ և կառաջարկեն ամենամսյա ֆլեշմոբին
Սովորողները կլուծեն օգոստոս ամսվա չլուծված խնդիրները
Ժամկետ-երկու շաբաթ
մասնակիցներ-ընտրությամբ գործունեության խումբ
Նախագիծ 2
«Մաթեմատիկա» ամսագիր
Նախագծի ընթացքը
Սովորողները կծանոթանան «Մաթեմատիկա» ամսագրի հետ: Կընտրեն ամսագրից համար( ներ), որը իրենց ավելի հասանելի և հետաքրքիր է: Կքննարկենք համարում ներգրված առաջադրանքները և հոդվածները:
Նախագծի նպատակը
Ծանոթանալ «Մաթեմատիկա» ամսագրին
Ներգրավել ամսագրին որպես՝ մասնակից
Նախագծի արդյունքը
Լուծել ամսագրում առաջարկած առաջադրանքները
Մասնակից լինել ամսագրի կազմին
Ժամկետ-անընդհատ
մասնակիցներ-ընտրությամբ գործունեության խումբ
Նախագիծ 3
Թեմա՝ Գրաֆներ
Շատ իրադարձություններում հարմար է օբյեկտները պատկերել կետերով,իսկ նրանց միջև կապերը՝ հատվածներով կամ սլաքներով: Օրինակ ՝ մետրոյի սխեման գրաֆ է:Կետերը կոչվում են գրաֆի գագաթներ,իսկ գծերը ՝ կողեր:
Գագաթը կոչվում է զույգ,եթե նրանից դուրս են գալիս զույգ թվով կողեր և կենտ՝ հակառակ դեպքում:գրաֆը կոչվում է զույգ,եթե նրա բոլոր գագաթները զույգ են,կապված ,եթե ցանկացած երկու գագաթների միջև կա ճանապարհ՝ կազմված գրաֆի կողերից, կոմնորոշված, եթե յուրաքանչյուր կողի վրա նշված է ուղղություն,հարթ, եթե նա նկարված է հարթության վրա, և նրա կողերը չեն հատվում:
Այժմ ուսումնասիրենք գրաֆի կողերով անցման հետևյալ սկզբունքները.
ա. եթե գրաֆում կենտ գագաթները երկուսից շատ են,ապա նրանով ճիշտ անցում,այսինքն՝ որ յուրաքանչյուր կողով միայն մեկ անգամ են անցնում հնարավոր չէ:
բ.Ցանկացած զույգ կապված գրաֆի համար գոյություն ունի ճիշտ անցում,որը կարելի է սկսել ցանկացած գագաթից,և որը վերջանում է հենց այն գագաթում,որից սկսվել է :
գ.Եթե կապված գագաթում ուղիղ երկո կենտ գագաթ կա,ապա գոյություն ունի ճիշտ անցում,որը սկսվում է մի կենտ գագաթում,վերջանում ՝մյուսում:
դ.ցանկացած գրաֆում կենտ գագաթների թիվը զույգ է :
Խնդիրների հավաքածու
- 1-ից 9 բնական թվերը գրել մեկ շարքում այնպես,որ ցանկացած երկու հարևան թվանշաններով կազմված թիվը բաժանվի կա’մ 7- ի, կա’մ 13-ի:
Շարունակելի…
Ժամկետ-երկու շաբաթ
մասնակիցներ-ընտրությամբ գործունեության խումբ